FALALAR YAWAN AMBATON ALLAH
Allah Madaukakin sarki ya ce :(To duk wanda ya yi dagawa ya fifita rayuwar duniya,to lalle (wutar) Jahima ita ce makoma,To amma wanda ya ji tsoron matsayin Ubangijinsa ya hana rayi ga sha’awe sha’awenta to Aljanna ita ce makoma.)
Allah bai yi umarni ba da a yawaita wani abu kamar yanda ya yi umarni da a yawaita zikiri (Ya ku wadanda su ka yi imani ku ambaci Allah ambato mai yawa kuma ku yi tasbihi a gare shi safiya da maraice ).
Allah Madaukakin Sarki ya ce:
فَاذْكُرُونِي أَذْكُرْكُمْ وَاشْكُرُواْ لِي وَلاَ تَكْفُرُونِ
Fazkuriniy Azkurkum Washkuruliy Wala Takfuruni.
Ku ambace ni zan ambace ku, ku gode mini kada ku butulce mini” (Bakara, aya ta 152). يَا أَيُّهَا الَّذِينَ آمَنُوا اذْكُرُوا اللَّهَ ذِكْراً كَثِيراً
Ya’ayyuhallazina Amanuzkurullaha Zikran Kathiran.Ya ku wadanda suka yi imani ku ambaci Allah ambato mai yawa”. (Ahzab aya ta 41).
وَالذَّاكِرِينَ اللَّهَ كَثِيراً وَالذَّاكِرَاتِ أَعَدَّ اللَّهُ لَهُم مَّغْفِرَةً وَأَجْراً عَظِيماً
Wazzakirinallaha Kathiyran Wazzakirati A’addanlahu Lahum magfiratan Wa’ajran Aziyman.
Da masu ambaton Allah da yawa maza, da masu ambatonsa mata, Allah ya tanadar musu gafara da lada mai girma”. (Ahzab, aya ta 35)
وَاذْكُر رَّبَّكَ فِي نَفْسِكَ تَضَرُّعاً وَخِيفَةً وَدُونَ الْجَهْرِ مِنَ الْقَوْلِ بِالْغُدُوِّ وَالآصَالِ وَلاَ تَكُن مِّنَ الْغَافِلِينَ
Wazkurrabbaka Fiy Nafsika Tadarru’an Wakhiyfatan waduwanaljahri Minal kawli Bil’guduwi Wal’asali Walatakun Minalgafiliyna.
Kuma ka ambaci Ubangijinka a cikin zuciyarka, kana mai kankan da kai da tsoro, ba da daukaka murya ba (saka-tsaki) tsakanin asirtawa, da bayyanawa, da safe da maraice, kuma kada ka zamo daga cikin gafalallu”. (A’araf, aya ta 205)
Kuma Manzon Allah, tsira da amincin Allah su tabbata a gare shi, ya ce; “Misalin wanda yake ambaton Ubangijinsa da wanda ba ya ambaton Ubangijinsa, kamar misalin rayayye da matacce ne”. (Duba Sahihul Bukhari tare da Sharhinsa Fat’hul Bari (11/208).
Muslim ya rawaito shi da lafazin; ‘Misalin gida da ake ambaton Allah a cikinsa, da wanda ba a ambaton Allah a cikinsa kamar misalin rayayye ne da matacce”. (1/539).)
Kuma ya ce: “Shin ba na ba ku labarin mafi alherin ayyukanku ba, kuma mafi tsarkinsu a wajen Sarkin da yake mallakar ku, kuma mafi daukakarsu ga darajojinku, kuma mafi alheri gare ku daga ciyar da zinariya da azurfa kuma mafi alheri gare ku da ku hadu da abokan gabanku ku rika dukan wuyayinsu, suna dukan wuyayinku? Suka ce ka ba mu labari. Ya ce: Ambaton Allah Madaukaki”. (Tirmizi (5/459), da Ibn Majah (2/1245). Duba Sahih Ibn Majah (2/316). Da Sahihul Tirmizi (3/139).)
Kuma ya ce: “Allah madaukaki yana cewa: Ni ina tare da zaton bawana da ni, kuma ina tare da shi idan ya ambace ni idan ya ambace ni. Idan ya ambace ni a cikin ransa zan ambace shi a cikin raina, idan ya ambace ni a cikin jama’a zan ambace shi a cikin jama’ar da ta fi su alheri, in ya kusanceni taki daya zan kasance shi tsawon gaba guda, in ya zo min ya na tafiya zan zo masa ina gaggawa”.( Bukhari (8/171), da Muslim (4/2061). Lafazin ruwayar na Bukharine.).
Daga Abdullahi Ibn Busr, Allah ya yarda da shi, ya ce; Ya Ma’aikin Allah! Shari’o’in Musulunci sun yi yawa a gare ni, saboda haka ka nuna wani abu da zan yi riko da shi. Ya ce: “Ka da harshenka ya gushe face yana danye daga ambaton Allah”. (Tirmizi (5/458). Da Ibn Majah (2/1246). Duba Sahihul Tirmizi (/139), da Sahih Ibn Majah (2/317).)
Kuma mai tsira da amincin Allah yace; “Wanda ya karanta harafi daya daga littafin Allah yana da (ladan) kyakkyawan aiki daya saboda shi, kuma dukkan kyakkyawan aiki daya yana da (ladan) misalinsa goma. Ba ina cewa Alif Lam Mim harafi ba ne. A’a, Alif harafi ne, Lam harafi ne, Mim harafi ne”.( Tirmizi (5/175) Duba Sahihul Tirmizi (3/9), da Sahihul Jami’us Sgir (5/340).).
Kuma daga Ukbata ibn Amir, Allah ya yarda da shi, ya ce; Manzon Allah tsira da aminci su tabbata a gareshi, ya fito alhali muna cikin rumfa, sai yace; “Wane ne daga cikinku zai so ya fi kullum da safe zuwa koramar Budhan ko Akik, ya dawo da taguwa biyu masu manyan tozuna, ba tare da yin wani laifi ba ko yanke zumunta?” Muka ce: muna son haka. Ya ce; “Dayanku ya je masallaci ya nemi sani, ko ya karanta ayoyi biyu daga cikin littafin Allah Mabuwayi Mai Daukaka, ya fi masa taguwa biyu, ayoyi uku sun fi masa taguwa uku, ayoyi hudu sun fi masa taguwa hudu, da kwantankwacin adadinsu na rakuma”. (Muslim (1/553).
Kuma mai tsira da amincin Allah ya ce; “Wanda ya zauna a wani waje bai ambaci Allah a wajen ba, wannan zai zamanto masa abin tuhuma a wajen Allah. Wanda ya kwanta a makwanci bai ambaci Allah a wajen ba, shi ma zai zamanto masa abin tuhuma a wajen Allah. (Abu Dawud (4/264), da waninsa. Duba Sahihul Jami (5/342).
Kuma Mai tsira da amincin Allah ya ce: “Babu wasu mutanen da suka zauna a wani majalisi da ba su ambaci Allah a cikinsa ba, kuma ba su yi salati ga Annabinsu ba, face ya zamo musu abin btuhuma, in Allah ya so ya yi musu azaba, in ya so ya gafarta musu”.( Tirmizi, duba Sahihul Tirmizi (3/140).).
Kuma Mai tsira da amincin Allah yace; “Babu wasu mutane da zu su tashi daga wani majalisi da ba su ambaci Allah a cikinsa ba, face sun zama kamar sun tashi a matsayin mushen jaki ne, kuma zai zamanto musu abin da-na- sani”.(Abu Dawud (4/264). Da Ahmad (2/389). Duba Sahihul Jami’ (5/176).
Fadin sa Annabi tsira da amincin Allah su tabbata a gare shi (Ku yawaita yi min salati a ranar juma’a, domin ana bijiromin da salatinku a gare ne) Hadisin gantacce Ahmad ne ya rawo da Abu daud da ibnu ha ya rawaito Allah ya kara yarda da shi, da kuma fadinSa tsira da amincin Allah su tabbata a gare shi, duk wanda ya yi salati guda to Allah zai yi mishi salati goma kuma ya yafe masa kusakure goma, kuma a daga shi da darajoji goma) Hadisi ne ingantacce da Nas’I ne ya rawaito da ibnu Ha daga hadisin Anas dan Maliki).
Shi zikiri yana tsarkake ayyuka kuma ya cika tawayarta da shi ne ma’abocin shi ke riskan abin da ya sere, yana goge zunubai.
Mafi girman lada na zikiri shi ne rabauta da Aljanna da tsira daga wuta da yardar Allah ya fi girma.
Na daga cikin falalan zikiri Allah zai kare ma’abocin shi daga damuwa da tsanani da abubuwa masu halakarwa.
FALALAR YAWAN AMBATON ALLAH
Na daga cikin ladansa Allah tsarki ya tabbata a gare shi zai daga anbaton ma’abocin zikiri a duniya da lahira Allah Madaukakin sarki ya ce: (ku ambace ni zan anbace ku ku gode min kada ku kafurce min).
